Bosei Na Veivakatorocaketaki E Lau

Bosei Na Veivakatorocaketaki E Lau

Na bose ni yasana ko Lau ena vakayacori ena i matai kina ikarua ni Jiune ena Studio 6 et Suva.


Roko Tui Lau ou Joji Kalounivalu.

Na bose ni yasana ko Lau ena vakayacori ena i matai kina ikarua ni Jiune ena Studio 6 et Suva.

Oqo ena veivosakati ga kina na veivakatorocaketaki ena loma ni yasana.

Nai matai ni ka ena biu kivei ira na lewe ni bose nai tuvatuva vakailavo ka ratou sa vakadonuya na kena komiti ka na gadrevi mera vakadonuya.

Et tukuna na Roko Tui Lau o Joji Kalounivalu ni na rai lesuvi na veivakatorocaketaki ena loma ni yasana ena va na yabaki sa oti, ka na qai laurai na veivakatorocaketaki ena lima na yabaki sa tu e matadra.

Ko ira na mata era sa vodo mai ena waqa mai na nodra veiyanuyanu ka dodonu mera tiko kece e suva ni sa bera na bose.

E vakadeitaka talega na Roko Tui ni na dolava tiko na bose na turaga Paraiminisita o Voreqe Bainimarama.

Ena veivosakitaki talega ena bose na veika era na dui kauta mai na mata ni tikina.

Ena sega ni veivosakitaki e dua na ka me baleta na politiki kei na veididigigi ena gauna ni bose

Ko ira na veitikina ena loma ni yasana era dans bose oti ena nodra vakarautaka na bose ni yasana.

E 13 Taucoko na Tikina et Lau ka na 72 na Koro.

Sa koto oqori na veitikina kei na kena wiliwili ni koro : Lakeba – 8 na koro, Oneata – 2, Moce – 2, Vulaga – 4, Ono – 5, Kabara – 6, Totoya – 5, Moala – 8, Matuku – 7, Nayau – 3, Lomaloma – 9, Mualevu – 8 kei Cicia – 5 Na Koro.

Leave a Reply

Your email address will not be published.

*