Marautaki Na Veitalanoa Kei Na Iliuliu Ni Matanitu

Marautaki Na Veitalanoa Kei Na Iliuliu Ni Matanitu

E vakaraitaka o Sakeasi Karavanua na mata ni tikina o Moturiki kina Bose ni Yasana o Lomaiviti ni ra marautaka na veitalanoa kei na turaga Paraiminisita o Voreqe Bainimarama.


Na iliuliu ni Matanitu o Voreqe Bainimarama kei ira na marama ni yasana o Lomaiviti ni oti nona lai dolava na Bose ni Yasana ka vakayacori e Nasova mai Levuka ena siga Vukelulu ena macawa oqo.

E vakaraitaka o Sakeasi Karavanua na mata ni tikina o Moturiki kina Bose ni Yasana o Lomaiviti ni ra marautaka na veitalanoa kei na turaga Paraiminisita o Voreqe Bainimarama.

Na veitalanoa ea vakayacori ena siga Vukelulu nai ka walu ni siga ni vula oqo nai matai ni siga ni Bose ni Yasana o Lomaiviti ka vakayacori e Nasova, mai Levuka, Ovalau.

Ni bera na veitalanoa, et tukuna ni ra a veivosakitaka tiko na mata na veiqaravi ni matanitu ena loma ni yasana koya sa oti kei ira era dans caka tiko.

Me baleta na gaunisala e tukuna ni sa qaravi tiko na kena vakavinakataki ka tukuni kivei ira ni na qaravi tiko e liu na gaunisala ka ra dau vakayagataki vakalevu.

Na kena qaravi na gaunisala ena tara taucoko na veiyanuyanu ena lomani yasana ka sa tiko rawa kina na gaunisala.

Na iliuliu ni Matanitu Voreqe Bainimarama ena nona a lai dolava na Bose ni Yasana o Lomaiviti ka vakayacori e Nasova mai Levuka ena siga Vukelulu

Na iliuliu ni Matanitu Voreqe Bainimarama ena nona a lai dolava na
Bose ni Yasana ou Lomaiviti ka vakayacori et Nasova mai Levuka ena
siga Vukelulu

Ni tarogi me baleta na veiqaravi mai Moturiki e tukuna ni ka levu taudua e vakayacori tiko na kena vakadrodroi na wai kina veikoro.

E vakadeitaka ni sa yaco yani ki Moturiki na paipo ni wai ka takosotaki mai wai, ka sa vakau sara kina na rua na taqe ka tiko ena delana mai Nasesara.

Mai kea e tukuna ena qai vakadewataki sara na wai kina veikoro, ka sa qaravi tiko ena gauna oqo na vakadaberi ni paipo kina veivale.

Esa tiko na ituvatuva me na lai dolavi na taqe ni wai ena vula oqo.

Commentaires : [email protected]

Leave a Reply

Your email address will not be published.

*